Navenda Nûçeyan – Li herêmên cuda yên Sûriyeyê, kuştina mirovan bêserûber her diçe zêdetir dibin. Guleyên bêserûber û bermahiyên teqemenî yên şer her roj dibin sedema mirinê.

Mirina 50 kesan belge kir

Navenda Çavdêriya Mafên Mirovan a Sûriyeyê (SOHR), mirina 50 kesên ku di navbera wan de du jin 14 zarok hebûn ragihand.

SOHR’ê di daxuyaniya 13’ê Mijdarê de, diyar kir ku êrîşên ji aliyê DAIŞ’ê ve tên kirin hê jî gefê li jiyana gel dixwin. Weke din, mayîn û bermahiyên teqemenî dibin sedema mirina, zarok û kesên ku vedigerin malên xwe.

Ji bo parastina sivîlan bang hat kirin

SOHR’ê tekez kir ku divê rayedar û saziyên pêwendîdar gavên ku pêşî li êrîşên deryasayî gulebaranên bêserûber bigrin bavêjin, dest bi xebatên paqijkirina mayîn û bermahiyên şer bikin. Her wiha banga lêpirsînek serbixwe ku şert û mercên van bûyeran ronî bikin, ji berpirsyaran hesab bixwazinû jiyana sivîlan biparêzin kir.