Navenda Nûçeyan - Li gor encamên ewil ên fermî yên ku ji aliyê Enstîtuya Hilbijartinê ya Neteweyî ya Meksîkayê (INE) ve hatin eşkerekirin, di hilbijartinên serokomariyê yên ku di 2’yê Hezîranê de hatin kirin de namzeta çep Claudia Sheinbaum bi ferqeke mezin bi ser ket.

Seroka INE Guadalupe Taddei ragihand ku şaredara berê ya Meksîko City Claudia Sheinbaum di hilbijartina yek tûra de serkeftineke mezin bi dest xist û ji sedî 58 ji sedî 60 ê dengan wergirt. Hevrikê wî senatorê berê yê rastgir Xochitl Galvez ji sedî 26 ji sedî 28 yê dengan bi dest xist. Navend Jorge Alvarez Maynez ji sedî 9 heta 10 ê dengan stend.

Yekem seroka jin ya Meksîkayê

Zanyara 61 salî û şaredara berê yê Mexico City, dê di 1’ê Cotmehê de ji Andres Manuel Lopez Obrador ji bo heyamek 6 salî ku heya 2030’an berdewam dike bigire. 

Li gorî daneyên Neteweyên Yekbûyî, Claudia Sheinbaum di dîroka welatekî de ku di sala 2023’an de rojane 10 qetilkirinên jinan têne kirin, bû yekem seroka jin.

Claudia Sheinbaum dema ku li dijî "bêcezabûnê" têdikoşiya, soz da ku ew ê polîtîkaya heyî ya li şûna zexta topyekûm, têkoşîna li dijî sedemên tundûtûjiyê bidomîne.

Li Meksîkayê 450 hezar kes hatin kuştin

Li Meksîkayê ji sala 2006'an û vir ve ku Serokkomarê berê Felipe Calderon artêş şandibû dijî kartelan, bi giştî 450 hezar kes hatin qetilkirin.

Di xebatên hilbijartinê de jî cînayetên dijwar hatin kirin. Di 31’ê Gulanê de li eyaleta Pueblayê namzedek din hatibû kuştin. Hikûmetê ragihand ku di 28’ê Gulanê de 22 cînayet hatine kirin û piştre 3 cînayetên din hatine kirin.