Li Hesekê 39 çeteyên DAIŞ’ê hatin girtin
QSD, YPJ û Hêzên Ewlekariya Hundirîn di operasyona li Hesekê li dijî çeteyên DAIŞ’ê de, 39 çete girtin.
Hesekê – Operasyona lêgerînê ya ku Hêzên Sûriyeya Demokratîk (QSD), Hêzên Ewlekariya Hundirîn û Yekîneyên Parastina Jin (YPJ) li bajarê Hesekê ya kantona Cizîrê ya Bakur û Rojhilatê Sûriyeyê û derdora wê li dijî şaneyên DAIŞ’ê dane destpêkirin, dewam dike.
Li gorî agahiyên ku Navenda Ragihandinê ya QSD’ê li ser hesabê xwe yê Telegeramê parve kiriye, di operasyonê de heta niha 39 çeteyên şaneyên DAIŞ’ê hatin girtin û miqdarek çek hatin desteserkirin.