Colemêrg- Nerazîbûnên li dijî tayînkirina qeyûm li şaredariya Colemêrgê tevahiya rojê berdewam kir. Hevserokên Partiya Wekheviya Gelan û Demokrasiyê (DEM) Tulay Hatîmogullarî û Tuncer Bakirhan, Hevserokên Partiya Herêmên Demokratîk (DBP) Çîgdem Kiliçgun Uçar û Keskîn Bayindir ên ku li bajêr in, piştî hevdîtina bi saziyên civaka sîvîl daketin kolanan bi çar baskan ve  bi gel re hevdîtin pêk anîn.

Siyasetmedar hatin astengkirin

Piştî hevdîtina bi saziyên civaka sivîl re, heyeta ku xwest serdana esnafan bike demek dirêj destûr nehat dayîn. Kolan ji aliyê polîsan ve hat girtin û derbasbûna siyasetmedaran hat astengkirin. Siyasetmedaran gelek caran hewl dan ku bi defdanê mertalên barîkatê derbas bikin. Dikandar û kesên derdor bertek nîşanî bûyerê dan. Parlamenterên DEM’ê yên li dijî astengkirinê li ber xwe dan diyar kirin ku hemû cîhan dorpêça polîsan a li hemberî siyasetmedaran dît, Tulay Hatîmogullarî û Parlamenterê Mêrdînê Kamuran Tanhan axaftin kirin û diyar kirin ku kesên lêpirsîn vekirine û ceza dane Sıddik Akiş ji FETO ve hat ceza girtine.

'Qeyûm li dijî gel komplo ye'

Piştî bendewariyeke dirêj dorpêç hat rakirin. Siyasetmedar, nûnerên rêxistinên girseyî û gel bi dirûşmeyan meşiyan. Li kolanan tim û tim dirûşmên "Bijî berwedana Colemêrgê" berz kirin.

 Çîgdem Kiliçgun Uçar di dawiya meşê de axivî û diyar kir ku bêhiqûqî li Kurdan tê kirin û got: “Ev qanûn ne tenê li Kurdistanê, li tevahiya Tirkiyeyê weke bêhiqûqî û feqîriyê belav bûye. Barê tayînkirina qeyûman ku di sala 2016'an de dest pê kir, niha li ser milê tevahiya Tirkiyeyê ye. Serokomarê vî welatî got, 'Kurd bi polîtîkayên şaş ên dewletê hatin marjînalîzekirincudakirin. Me ew bi dilpakî hembêz kir" Her kes baş dizane ku ev ne rast e. Piştî vê axaftinê 2 roj şûnde bi tayînkirina qeyûm li Colemêrga ku bîranîna berxwedana gelê Kurd e, polîtîkayên xwe bi zelalî anîn ziman. Em bûn şahidê bûyerên ku ev sê roj in li vir diqewimin. Em li bajarekî ku fuhûş, şerê taybet û tiryakê raste rast ji aliyê hêzên dewletê tê kirin e. Cara sêyemîn e ku qeyûm tayîn dikin û em li bajarek ku hezar bi ya 135 mîlyon butçe hiştine de ne.”

'Ji îradeya gel re rêz bigrin'

Dûvre Tuncer Bakirhan axivî û diyar kir ku li Colemêrgê darbe pêk hatiye û axaftina xwe wiha domand:

“Tenê leşker daneketi bû ev jî daket. Li vir darbeyek tê kirin. Ev tedbîr bi gelemperî ji hêla sûcdaran ve têne girtin. Li vir jî yên kêmasî û xeletî dikin ew in. Hûn jî ji vê re dibêjin demokrasî û encamên sindoqan. Erdogan piştî hilbijartinê got ku em ê rêzê li encaman bigirin, lê belê rêz li vîna gelê Colemêrgê negirtin. Navê vê ne demokrasî ye, bi vê re nenaskirina îradeya Kurdan û darbeya qeyûm e. Ev qanûna dualî ye. Em guh nadin wan kesên ku encamên sindoqan paşguh dikin. Em desteserkirina we ya şaredariyên ku bi ked û vîna gel hatiye bi dest xistine nas nakin. Hûn qanûnên antîdemokratîk ên ku li cîhên din bikar tînin jî nas nakin. Hûn ê di hafizeya gelê Kurd de bi guhnedana wan bên naskirin. Gelê Kurd tiştên ku we kirine ti carî ji bîr nake. Dema hilbijartinek çêbibe dê gelê me bedelê vê yekê ji we pir bipirse.”

'Li Tirkiyeyê tu şaredarî ne ewle ye'

Cîgira Seroka EMEP’ê Selma Gurkan di daxuyaniyê de axivî û got: “Li Wanê ceribandinek kirin, vala derket, niha li vir dikin. Mehmet Sıddık bi biryara hikûmetê ji wezîfeyê hat girtin û hat cezakirin. Endamên Partiya DEM'ê ji ber dizî û bêedebî nehatin cezakirin. Lê qeyûm dizî û neheqî kirin. Gelek şaredarên AKP'yî çavkaniyên şaredariyê beavkirin. Ev ferman dê wiha berdewam neke. Qeyûm ne rewşeke ku tenê Colemêrgê eleqedar dike ye. Ger qeyûm li vir bi ser bikeve, li Tirkiyeyê tu şaredarî ne ewle ye. Ev hikûmet pirsgirêka demokrasiyê ye û divê em vê pirsgirêkê ji holê rakin."

Li ser navê Federasyona Meclîsên Sosyalîst Erdal Ataş jî axivî û got: “Têkoşîna ku em didin meşandin ne şaredarî, jiyana aştiyane ya gelan e. Em vê pergala birçîbûn û rejîma emanetê qebûl nakin. Em ê ti helwestên bidestxistî ji wan re nehêlin. Berxwedana ku em ê li vir nîşan bidin wê di ked, têkoşîna jinê, ekolojî, ciwan û her qadê de serkeftinên mezin bi xwe re bîne. Çi bikin bila bikin dê têkoşîna me bidome. Em tu carî serî li ber wan natewînin û têkoşîna me wê bidome.

'Divê gelê me li her derê vîna xwe biparêze'

Di dawiyê de Keskîn Bayindır da zanîn ku ew ê heta dawiyê li ber xwe bidin û wiha got: “Em ê li ber xwe bidin, em ê bi pêşengiya jin û ciwanan vê bikin. Wê nikaribin rê li ber vîna vî gelî bigirin. Divê gelê me ne tenê li vir li her derê vîna xwe biparêze. Divê gelê me rabe ser piyan û li ber xwe bide. Divê vîna li vir li her derê belav bibe. Em bang li wijdana gelê Kurd dikin: Roj roja parastina ziman, ax û vîna xwe ye.

Daxuyanî bi dirûşmeyan bi dawî bû.