Navenda Nûçeyan- Polîtîkayên zextê yên Komara Îslama Îranê ji bo tundî û qetilkirina jinan bingeh ava dike. Hikumeta Îranê ku zihniyeta mêrsalar xwedî dike, tundiya mêr bi cesaret û teşwîq dike, di pêkanîna ‘hîcaba bi zorê’ de pêkanînê giran pêkanîn û pêkanînên ‘polîsên exlaqê’ jiyana jinan di her qadê de dixwe bin zextê.

Li gorî berhevkirina bûyerên qetilkirin û tundiya li dijî jin û zarokan ku di beşa Farisî ya ajansa me de hat teyisandin; di nava mehekê de 15 jin hatin qetilkirin; 5 jin bi awayekî bi guman jiyana xwe ji dest dan, 2 jin hatin darvekirin, 2 jin bi awayekî bi guman jiyana xwe ji dest dan, 2 zarok hatin qetilkirin. 

Bûyerên di ragihandinê de derketin wiha ne:

*Di 26’ê Adarê de bijîjka kardiyoloji li nexweşxaneya Delfan Noorabad ya li eyaleta Loristanê bi awayekî bi guman jiyana xwe ji dest da.

*Di 27’ê Adarê de girtiya berê ya siyasî Sara Tebrîzî ya 20 salî, rojek piştî ku ji daîreya îstîxbaretê gazî kirin bi awayekî bi guman li mala xwe jiyana xwe ji dest da hat dîtin. 

*Di 28’ê Adarê de li girtîgeha Navenda Tebrîzê jineke ciwan hat darvekirin.

*Di 29’ê Adarê de li bajarê Cuybar jinek 34 salî ji aliyê mêrê pêre zewicî re hate qetilkirin.

*Di 30’ê Adarê de li Simnanê jinek, ji aliyê mêrê pê re zewicîbû ve hat qetilkirin.

*Di 1’ê Nîsanê de li gundekî Abadan a girêdayî eyaleta Kuzistan jinek nesnameya wê nehat zanîn, ji aliyê bavê xwe ve hat qetilkirin.

*Di 2’ê Nîsanê de li bajarê Tebrîzê jinek ciwan ji aliyê mêrê pê re zewicîbû ve hat qetilkirin.

*Di 2’ê Nîsanê de li zanîngeha Yasouj xwendekara tibê Sajideh Samadî bi awayekî guman jiyana xwe ji dest da.

*Di 2’ê Nîsanê Parînaz Şurki ku li bajarê ABP ya eyaleta Buşehr dijiya, ji aliyê mêrê pêre zewicî re hate qetilkirin.

*Di 3’ê Nîsanê de li gundê Gapî ya girêdayî navçeya Dargaz ya eyaleta Razavi Horasan du zarok di encama şewata malê de bi awayekî guman jiyana xwe ji dest dan, dayik ji bi giranî birîndar bû.

*Di 3’ê Nîsanê de li bajarê Dargaz ê eyaleta Razaviyê Horasan jinek ji aliyê mêrê ku pê re zewicî re hat qetilkirin.

*Di 4’ê Nîsanê de di riya xwegihandina Urmiye-Nagda jinek 38 salî ji aliyê mê rê pêre zewicî re hat qetilkirin.

*Di 8’ê Nîsanê de li gundê Kala kum ê Mahabadê 2 jê jin û 1 jê zaroka 7 mehî di nav de ji malbatekê 4 kes ji aliyê kesên nediyar ve hatin qetilkirin.

*Di 8’ê Nîsanê de li Esfehanê Elmira Zarei ku beriya 1 mehê winda bûye, cenazeyê zarokek 7 salî bi awayek qetilkirî hat dîtin.

*Di 9’ê Nîsanê de li taxa 2’em ya Ahvaz Ayn de jinek 27 salî, ji aliyê birayên xwe ve hat qetilkirin.

*Di 11’ê Nîsanê de li bajarê Ciwanro Sarve Sarveh bi awayekî bi guman jiyana xwe ji dest da.

*Di 13’ê Nîsanê de jinek bi navê Marjan Hajizadeh li girtîgeha navenda Zanjan hat darvekirin.

*Di 15’ê Nîsanê de li bajarê Humeyen jineke 59 salî, ji aliyê mêrê pê re zewicî re hat qetilkirin.

*Di 16’ê Nîsanê de jinek 37 salî, li cadeya Zargande ya Tahranê ji aliyê mêrê pê re dergistî bû ve hat qetilkirin.

*Di 18’ê Nîsanê de li Esfehanê jinek 43 salî, ji aliyê mêrê pê re zewicî re hat qetilkirin.

*Di 18’ê Nîsanê de li Seravan jinek ciwan a bi navê Hadis Mirabî ji aliyê birayê xwe ve hat qetilkirin.

*Di 18’ê Nîsanê de li Kirmanşahê jinek ciwan a bi navê Nagîn Bahramî bi awayekî bi guman jiyana xwe ji dest da.

*Di 19’ê Nîsanê de li Şîrazê jinek 50 salî ji aliyê muşteriyê xwe ve hat qetilkirin.