Navenda Nûçeyan- Der barê qetilkirina endama navenda Lêkolîna Jineolojiyê Nagîhan Akarsel de jinên çalakvan, azadîxwaz, parêzer û têkoşerên Başûrê Kurdistanê bertek nîşan dan. Di vê der barê de ji derveyî çalakiyan, di malperên fermî yên torên civakî de li dijî kuştina jinan û qetilkirinan nivîs belav kirin û helwestên xwe nîşan dan û êrîş û dagirkerî şermezar kirin.

Çalakvana jinan Kejal Abdulqadir: “Ez êrîşa li dijî hevala Zîlan bi tundî şermezar dikim, ev herêm xakek bê derî û pencere ye tijî sîxur in.”

Çalakvan Bihar Munzûr: “Kîn û nefreta min li hemberî mirinê ye, mixabin xemek gelek giran e.”

Parêzer Peyman Ezedîn: “Kuştina hevala Zîlan, kuştina Kurdan e, paqijkirina netewek ji aliyê rejîmek faşîst ve, li herêma Kurdistan ev paqijkirin di bin siya yekitî û partî de pêk tê.”

Rojnameger Lava Kurde: “Êdî Başûrê Kurdistanê û Silêmanî ne bi ewle ne, îxanetkar û dijmin bi azadane li Başûrê Kurdistanê kesayetan qetil dikin.”

Endama parlementoya dema berê ya Parlamentoya Kurdistanê Perwa Elî: “Herêma Kurdistanê bûye qada qetilkirina azadîxwazan, ji ber ku derî û pencereyên wê li ser piştê ne.”

Ragihandinkar û çalakvana mafên jinan Necîbe Mehmûd: “Ax li vê şermezariyê, nefret li terorîstan, bila ruhê te şad be.”

Rojnamevan Bêrîvan Muhemed: “Jin Jiyan Azadî bersiva herî baş e li hemberî qetilkirina hevala Zîlan.”