Navenda Nûçeyan – Li Efganîstanê êrişên ku duho li Mizgefta Seh Dekanê hat pêkanîn û di encama êrişê de 5 kes jiyana xwe ji dest da û 65’an zêdetir hemwelatî birîndar bû, ji aliyê gelê Efgan ve çalakî hate lidarxistin. Êrişê herî mezin a li welat, li Seh Dekan a girêdayî bajarê Mezar-i Şerif hatibû jiyîn.

Hazariyên li rojavayê Qebûlê ji bo şermezarkirina êrişan daketin qadan. Di meşa ku ji aliyê Talîbanê ve hate astengkirin de Efganiyan dirûşmeyên ‘Em edaletê dixwazin’ bilêv kirin û daxwaz kirin ku bi awayekê lezgîn berpirsiyarê êrişan were girtin.

Jinên Efganî destnîşan kirin ku ew hedefgirina dibistan û awahiyên baweriyan şermezar dikin û heya ku berpirs werin dîtin dê çalakiyên xwe berdewam bikin.