Di êrîşên Îsraîlê de 5 Filistînî mirin
Di êrîşên Îsraîlê yê li ser herêmên cûda yên Zîvala Xezayê de 5 Filistîniyên din jiyana xwe ji dest dan.

Navenda Nûçeyan – Êrîşên Îsraîl li dijî Zîvala Xezayê bê navber didome. Li gorî agahiyên ji çavkaniyên nexweşxaneyan hatin girtin, Îsraîl di çarçoveya plana dagirkirina bajarê Xeza de li herêma El-Makusî konê kesên ji cihên xwe bûne kir hedef. Di encama êrîşê de 2 Filistîniyan jiyana xwe ji dest dan, hejmarek zêde kes birîndar bûn.
Balafirên şer ên Îsraîl li taxa Şeyh Ridvan ya Xezayê malek kir hedef. Di encama êrîşê de 2 kesên ji heman malbatê jiyana xwe ji dest dan.
Li gorî çavkaniyên ji nexweşxanaya Aksa ya Xeza, artêşa Îsraîl, êrîşî bajarên Deyr el-Belah kir, di encama êrîşê de Filistîniyekê jiyana xwe ji dest da, hejmarek zêde kes birîndar bûn.
Şahidan jî diyar kirin ku artêşa Îsraîl li taxa Zeytun a bajarê Xeza gelek mal kiriye hedef.