Riha - Navçeya Xelfetiya Riyaha Bakurê Kurdistanê xwediyê dîrokek gelekî kevne. Ji şopên şunwarên wê xwiyaye dem û dewranên dirêj ser der derbasbûne. Li gorî hinek çavkaniyan beriya zayînê di salên 500’an de hatiye avakirin. Di demekê de Yunaniyan navê Urîma, Osmaniyan jî navê Urumgala lê kirine. Di sala 1954’an de jî navê ‘Rumkale’ lêkirine. Berê navçeyek li ser bajarê Dîlokê bûye, paşê ketiye ser Rihayê. Bendava Ataturk a ku di sala 2000’an de li ser çemê Firadê hatî avakirin ziyanek mezin daye xwezaya herêmê. Tayîbetî bajarên weke Riha, Dîlok û Semsurê jê ziyan dîtine, beşek mezin a Xelfetiyê jî dibin avê de maye. Ji wê û şonde weke Xelfetiya nû û kevin bûye du beş.