ELMAS NAİF-SÎTÎ ROZ

Şengal – Li Şengalê bi hatina werza Biharê re bi taybet di meha Nîsanê de cihên pîroz hin zêdetir wate qezenC dike. Hemû cihên pîroz bi rengên biharê tên pêşewazîkirin. Jinên Êzidî li cihên pîroz ji rê û resmên ku bawer dikin ji bo hemû tiştan dua dikin nezir digrin û daxwazên xwe tînin ziman. Bi pêşengiya Tevgera Azadiya Jinên Êzidî (TAJÊ) jinên Şengalê serdana cihê herî pîroz yên Êzîdiyan Şerefedin kirin. Jin pîştî sê salan karin biçin Şerfedinê û daxwazên xwe bînin ziman. Qasim Şeşo ev sê sale dest daniye ser ziyareta Şerfedîn îsal jin çun ser ziyaretê û ji bo azadiya Rêberê Gelê Kurd Abdullah Ocalan û xweseriya Şengalê dua kirin. 

Jinan ji bo xwetekên xwe Dua kirin

Endama TAJÊ Dayê Xoxê li ser Şerfedînê ev axaftin kir: “Em li vê derê cejna Çarşema Sor pîroz dikin. Bi xweşiktiya vê rojê re li Şerfedinê emê daxwaza ji girtiyên li zindanan û mirovên me yên hîna jî di destê çeteyên DAIŞ’ê dene ji bo bigihin azadiya xwe û xudê ji bo me jî rehma xwe bike ye. Daxwaza me ewe ku yên Êzidine ji bo Êzidibûna xwe têkoşîn û xebat bike. Em daxwaza azadiya Rêber Apo dikin.”

Endama Meclîsa jinan TAJÊ Hemşe Şengalî li ser cejna Çarşema Sor hestên xwe wiha anî ziman: “Em weke meclîsa jinan a TAJÊ her sal di vê cejna Çarşema Sor de em serdana cihê xwe yê pîroz Şerfedin. Yê ku îxanetê li çiyayên me bike bila li beramberî pîroziya Şerfedinê parçe bibe. Em xwedîyê vê axê ne û em bi keda xwe xwe li ser lingan digrin.”