NOOR SURIB

Yemen – 3’emîn Pêşangeha Wêneyan a Orphic bi hevkariya Enstîtuya Goethe ya Almanî, di çarçoveya Tora Çandî ya Yemenî de hatiye organîze kirin. Bi armanca piştevanîkirina hunermendên ciwan û ji qonaxa weşana li ser rûpelên medyaya civakî ber bi qada hunerî û pêşangehên girîng ve veguhestiye. Ji xwe beriya pêşangeha Orphic, pêşangeha "Sawara" ji bo wênekêşiyê û pêşangeha "Xal di bin xetê" de li ser hunera dîjîtal hatibû lidarxistin. Pêşangeha hunerî ya wênesaziya zincîreyek ji tabloyên cihêreng ên çar hunermendên nûjen ên Safa Anis, Manar Al-Jafri, Sarah Waheeb û Osama Ashraf ku pirsgirêkên civakî, tenduristî û derûnî di berhemên xwe yên hunerî de dane pêş hat lidarxistin.

“Naveroka berhemên min li ser hestên hundirîne” 

Hunermend Sarah Waheeb a bi deh tabloyên xwe tevlî pêşangehê bûyî naveroka berhemên xwe yên hunerî wiha anî ziman: "Ez bi deh tabloyan beşdarî pêşangehê bûm. Naveroka wan li ser hestên ku em di hundirê xwe de vedişêrin dike. Min ew bi rêya tabloyan nîşan da û erêkirina mêvanan wergirt.”

“Berhemên min zêdetir hesta nebûna aîdê welatê xwe îfade dike”

Hunermend Manar Saleh Al-Jafri ku bi wênesaziya abstrakt ya diyarker beşdarî pêşangehê bûye jî da zanîn ku ew bi hunera hemdem re eleqedar e û bi hunera xwe beşdarî 6 rêzefîlman bû ku pîvanên derûnî bûye û wiha got: "Tevlîbûna min bi rêzek xemgîniyê dest pê kir û wê razên xemgîniya min nîşan dida ku li ser tenduristiya me ya derûnî û bedenî xuya dike. Koma duyemîn jî erdnîgariyeke şaş e û nebûna aîdiyeta malbat û welatê xwe îfade dike, ev hest ji hundir ve te dagîr dike û te bi xerîbiyê hîs dike.”

“Min bi tabloyên xwe xwestiye bedewiya bajarê Adenê bidim dîtin”

Hunermend Safa Anis a di rêze tabloyên wê yên hunerî de bajarê Adenê bi gelek hûrgiliyên xwe xwiya dike jî got: "Min ji zarokatiya xwe de hez ji xêzkirinê dikir û piştî ku zanîngeh qedand min ew yek xwend. Ez hunera wênesaziya kevneşopî û dîjîtal dizanim û hewl didim ku bedewî û cihêrengiya jîngeha Adenê ji cîhanê re ronî bikim, ji ber vê yekê ez beşdarî rêzek ji pênc tabloyan bûm. Ya yekem tabloyek ahengê ye û sembola bajêr e bi jinek ku cilê yê gelerî yê Adenê li xwe kiriye û wekî ku bi cheddar tê nasîn nîşan daye. Rêzeya min a duyemîn ji tabloya Stêrk Night ya hunermendê navneteweyî Van Gogh hatiye îlhama kirin. Min sê tabloyên bi heman karakterê xêz kir, ya yekem bendera kevnare ya Adenê vedibêje, ya duyemîn nîşaneyên Adenê ronî dike yên wek dêra St. Mary Garrison, meclîsa zagonsaz a heyî û birca Adenê ne . Panela sêyemîn qehwexaneya herî kevn a bajêr nîşan dide.”

Hunermendê çarem, Osama Ashraf, bi rêya rêze tabloyên xwe, wendabûn û bêparbûna malbatan ji yek ji endamên xwe ji ber şer ku di wêneyê xwe de xemgîniya jinekê tabûta kurê xwe hembêz kiriye daye xuya kirin. Di tabloya xwe ya li pişt baran de hilweşîna xewnên ciwanan ên ji ber şerê berdewam, vedibêje û ew şer wek zincîra ku xewnên ciwanan girêdide bi nav dike.