سلێمانی

 

پێشنیوەڕۆی ئەمڕۆ ٢٩ی تشرینی دووەم، لە هۆڵی هۆتێل داوا، لە شاری سلێمانی، لە لایەن گەنجانی باشووری کوردسیان، بە دروشمی " بە گەنجی ڕێکخراو، سۆسیالیزمی دیموکراتیک سەردەکەوێت " کۆنفڕانسێک لە گۆشە نیگای گەنجانەوە، سەبارەت بە هەڵسەنگاندن و خستنەڕووی چارەسەر بۆ ئەو کێشانەی ئێستا دووچاری گەنجان بۆتەوە، بە ئامادەبوونی گەنجانی باشووری کوردستان، بەڕێوەچێت.

 

سەرەتا خولەکێک بۆ گیانی پاکی شەهیدان وەستان، پاشان وتاری گەنجانی باشوور  لەلایەن  ئیمان ئومێد خوێندرایەوە، باسی لە مێژووی کوردستان کرد کە چۆن لەلایەن داگیرکەرانی خاکی کوردستان دابەشکراوە، لەدوای دروست بوونی ئەم چوار  نەتەوە دەوڵەتە گەلی کورد بە قۆغێکی مەترسیدار تێدەپەڕێت دیمۆگرافیای زۆر شار و هەرێم دەگۆڕن، گەنجان و ژنان سەرکوت دەکەن.

 

وتیشی: لەبەرامبەر ئەو زولموستەمە گەلی کورد رادەست نەبوو، بەپێچەوانەوە بەردەوام بوو لە تێکۆشان و بەرخودانی لە ئێستادا گەیشتۆتە قۆناغێک کە بتوانێت بڕیار لەسەر چارەنوسی خۆی بدات بەڵام لە باشوری کوردستان بەهۆی کاریگەره دەوڵەتی سەرمایەداری کێشەکان بنەڕەتیەکان چارسەر نەکراون وەک پرسی ژن، گەنجان، بەڕێوەبردن، زهنیەتی دەسەلات خوازی، تالانکاری ژێر خانی ئابووری کوردستان، چینایەتی و پرسی ئاشتی و کۆمەڵایەتی، کێشەکانی ڕۆژهەڵاتی ناوەڕاست ئەوەمان پێ دەڵێن کە سیستەمی دەوڵەت نەتەوە و مۆدێرنیەتی سەرمایەداری توانای چارەسەر کردنی ئەو کێشانەی نیە بە پێچەوانەوە خۆی بۆکارە، لە چوارپارچەی کوردستانیش ئەم سیستەمە لە سەر پرسی چارەسەرکردنی پرسی کورد دامەزراوە، بۆ دەرباز بوون لەو گێژاو و قەیرانە مۆدێرنیەتیە هەڵوەشاندنەوەیە سیستەمەکەیە.

ئەوەشی خستەڕوو، ئەگەر لە ناو سنورەکانیدا کورد بەنائارامی و بێ ناسنامەی نەتوەی بژیت، کەواتە ئەو ئاسایش و ئارامی کە دەوڵەت نەتەوەی بەسەردا  دابەشکراوە مسۆگەر و پارێزراو نیە، لەگەڵ ئەوەشدا پرسی کورد تایبەت نیە بەیەک پارچەی کوردستان بەڵکو پرسێکی نەتەوەیە پەیوەستە مێژوو و شارستانی نەتەوەی کورد، چارەسەر کردنی ئەو پرسەش بەڕێگەی دیموکراتیک لەگەل دەوڵەت نەتوەکانی تورکیا، ئێران، سوریا، عێراق لە ڕێگەی پەسەند کردنی مافی نەتەوەی کورد پێکەوەژیانی نەتوەی دیموکراتیک.

 

لە کۆتایی قسەکانیشیدا ئیمان ئومێد وتی: ئێمە وەک گەنجانی باشووری کوردستان پێمان وایە داینەمۆی ئەم گۆڕانکاریە مێژوویە گەنجان و ژنان، لە ئێستاشدا خۆڕێکخستنی مەدەنیەت و دیموکراتیک بەشێوەی گروپی کۆمینال ئەرکی ئەم قۆناغەیە.