ناوەندی هەواڵ

 

ئەمڕۆ ٧ی کانوونی یەکەم، بە بەشدارى محەمەد شیاع سوودانی و ژمارەیەکی زۆر نوێنەری وڵاتانی جیهان سێیەمین کۆنفرانسی نێودەوڵەتی بەغداد بۆ بەرەنگاربوونەوەی ماددە هۆشبەرەکان دەستپێکرد.

 

 ئاماژە بەوەشکراوە، کۆنفرانسەکە لە ٧ تا ٨ـی کانوونی یەکەم لە بەغدادی پایتەخت بەڕێوەدەچێت و تێیدا نوێنەری ١٢ وڵات بەشدار دەبن.

 

جێگاى ئاماژەیە، بە وتەی چاودێران سەرەڕای گرتنەبەرى چەندین ڕێکار لەلایەن حکومەتى عێراقەوە بۆ ڕێگریکردن لە بازرگانى و بەکارهێنانى ماددەى هۆشبەر، بەڵام هێشتا عێراق دەناڵێنێت بە دەست ئالودەبوون و بەکارهێنانى ئەو ماددە کوشندەیە لەلایەن هاوڵاتیانەوە، بەتایبەتى لە ناوەڕاست و باشوورى عێراق.

 

کۆنفرانسەکە ڕەنگی پیاوسالاری نیشان دەدات

لە عێراق کە هەمیشە ژنان پەراوێز دەخرێن و لە ناوەندەکانی بڕیارو یاسادانان و لە زۆرینەی کۆنفرانس و کۆبوونەوەکان ژنان کەم بەشدارن، ئەوەی دەبندێت ژمارەی پیاوان زیاترە، لەم کۆنفرانسەشدا بەپێی وێنە بڵاوکراوەکان، ژمارەیەکی زۆر پیاو بەشدارن و وێنەیەکی پیاوسالاری دەخاتە بەرچاو.