ناوەندی هەواڵ - ئەمڕۆ ٢٧ی شوبات، ڕێکخراوی لێبوردنی نێودەوڵەتی لە داواکارییەکدا بۆ موحسینی ئێجێی، بەرپرسی دەزگای قەزایی کۆماری ئیسلامی، داوای ڕاگرتنی دەستبەجێی حوکمی لەسێدارەدانی شەریفە محەممەدی، چالاکی کرێکاری زیندانیکراوی زیندانی لاکانی ڕەشت و ئازادکردنی دەستبەجێ و بێ مەرجی ئەم چالاکە کرێکارییەی کرد.

 

ڕێکخراوی مافی مرۆڤی لێبوردنی نێودەوڵەتی هەروەها داوای لە موحسینی ئێجێی کرد کە "لێکۆڵینەوەیەکی سەربەخۆ و کاریگەر و بێلایەنانە سەبارەت بە تۆمەتی ئەشکەنجەدان"ی ئەم زیندانییە سیاسییە بکات.

 

دوابەدوای دووپاتکردنەوەی حوکمی لەسێدارەدانی شەریفە محەمەدی چالاکوانی کرێکار لەلایەن دادگای باڵاوە، هەروەها ڕەتکردنەوەی دووبارە دادگاییکردنی پەخشان عەزیزی، چالاکوانی مەدەنی و توێژەری کۆمەڵایەتی زیندانیکراو لە بەندیخانەی ئێڤین و دەرکردنی حوکمی لەسێدارەدان بەسەر وریشە مورادی، چالاکوانی مافی ژنانی زیندانیکراوی زیندانی ئێڤین، چالاکوانانی مافی مرۆڤ. چالاکوانان، و دامەزراوە و ڕێکخراوەکانی مافی مرۆڤ نیگەرانی خۆیان سەبارەت بە لەسێدارەدانی نزیک ئەم سێ زیندانییە سیاسییە دەربڕیوە و بەیاننامەیان بڵاوکردووەتەوە و داوای ئازادکردنی دەستبەجێ و بێ مەرجیان کردووە.

 

هەروەها ئەمڕۆ، دوای ئەوەی ڕوبا غەزال (پەرلەمانتار بۆ مێرسیەر-مۆنتریال)، ئەلێکساندەر بۆلۆریس (پەرلەمانتار بۆ ڕێساومۆنت-پۆتیت-پاتریۆت)، و جولی میهایڤیل دوچن (سیناتۆری کەنەدی) سپۆنسەری سیاسی پەخشان عەزیزی، چالاکوانی مەدەنی و توێژەری کۆمەڵایەتی، وریشە مورادی، چالاکوانی مافەکانی ژنان و شەریفە موحەممەدی، چالاکوانی کرێکاری لقی ئەڵمانیی پاکس کریستی، ڕێکخراوێکی نێودەوڵەتی سەر بە کەنیسەی کاتۆلیکییە و لە بواری ئاشتیدا کاردەکات،کەفالەتی سیاسی سێ زیندانی سیاسی ژن شەریفە محەمەدی و وریشە مورادی و پەخشان عەزیزی کە سزای لەسێدارەدانیان بەسەردا سەپێنراوە؛ گرتووە.

 

لقی ئەڵمانی ڕێکخراوەکە ڕایگەیاندووە، لەسەر داوای بێهروز ئەسەدی چالاکی مافی مرۆڤی دانیشتووی ئەڵمانیا و کۆمەڵەی نێودەوڵەتی مافی مرۆڤ لە ئەڵمانیا (IGFM) سپۆنسەری سیاسی ئەو سێ زیندانییەیان قبوڵ کردووە. پێشتر قەشە کۆهلگراف و وەزیری پێشوو مالۆ درایەر، سپۆنسەری سیاسی چەند زیندانییەکیان لە ئێران قبوڵ کردبوو کە ئەم سێ ژنەیان تێدابوو.