سۆزان سەعید

 

بەیروت - ژنانی لوبنان بەدەست نایەکسانی مافەکانیانەوە دەناڵێنن، لەوانەش مافی میرات، کە جۆرێکە لە توندوتیژی بەرامبەر بە ژنان، بەو پێیەش زۆرێک لەو ڕێکخراوانەی بەرگری لە مافەکانی ژنان دەکەن، هەوڵدەدەن ڕۆشنایی بخەنە سەری و کۆمەڵگەی لەسەر پەروەردە بکەن.

 

ئولوم ئۆدەی، چالاکوانە و لە ئەزموونەکانی ژیانی هیچ بژاردەیەکی نەبوو جگە لە ڕووبەڕووبوونەوەی کۆمەڵگەکەی و بنەماڵەکەی، داوای مافی خۆی و مافی هاوتەمەنەکانی کرد بۆ میرات وەرگرتن، هەڵمەتەکەی گشتی بوو بۆ داواکردنی مافی ژنان لە وەرگرتنی میرات بۆ کۆمەڵگەکەی لە گوندی خادر لە بەعلبەک، چونکە ژنان لە میراتی شەرعی بێبەش کراون.

 

ئولوم ئۆدە دامەزرێنەری کۆمەڵەی "مافی من بۆ میرات" و مامۆستای فیزیا لە زانکۆی لوبنان، وتی"ژیانم شەڕێکی بەردەوام بووە، کۆمەڵەی"مافی من بۆ میرات" لە لوبنان بەهۆی ئازار و بیرکردنەوە تەسکەکەی دەوروبەرم ڕادەی نادادپەروەریان بەرامبەر بە ژنان سەریهەڵداوە."

 

ڕوونیشیکردەوە، "کاتێک سەیری دەوروبەرم دەکرد و ڕادەی ئەو نادادپەروەریەم دەبینی کە ژنان تووشی دەبن، یەکێک لە دراوسێکانمان، منداڵە کچەکانی لە خوێندن و هاوسەرگیری بێبەش کرد، بەردەوامبوون لە کارەکانیان لە کشتوکاڵدا لەسەر زەویەکەیان و لە بەرامبەردا مافی میراتیان پێ نەدرا و بە پێچەوانەوە، براکەیان هەموو ئەو پارەیەی لە ئەنجامی فرۆشتنی زەوییەکەوە دەستیان کرد زەوتی کرد بۆخۆی بۆ ئەنجامدانی هاوسەرگیری فرەیی بەکاریهێنا و خوشەکەکانی لێ بێبەشکرد، لە کاتێکدا خوشکەکانی بەدەست هەژارییەکی زۆرەوە دەیانناڵاند و بەرگەی سەختییەکانیان گرت و ماوەی چەندین ساڵە ڕەنجیانداوە."

 

ئاماژەی بەوەشکرد، کاتێک براکەیان مرد، خوشکەکانی چانسی بەدەستهێنانی میراتەکەیان بە ڕووبەڕووبوونەوەی هاوژینی براکەی دەستکەوت، بەپێی یاسای لوبنان، کاتێک زەویەکان کشتوکاڵی بن، دەتوانرێت بە یەکسانی دابەشبکرێت لە نێوان خوشک و براکان، هەر بۆیە ئولوم پشتگیری ئەم ژنە گەنجانەی کردووە بۆ بەدەستهێنانی مافەکەیان کە بۆ ساڵانێک لێیان زەوت کراوە.

 

ئولوم ئۆدە بەرگری لە ژنان و پرسەکانیان دەکات، بەتایبەتی ئەوانەی کە لە ڕێگەی کەمپەینەکانەوە مافی میراتیان لێ زەوت کراوە، بەڵام ڕۆژێک بۆی دەرکەوت کە ئەویش لە مافی میرات بێبەش کراوە لە مانگی حوزەیرانی ٢٠١٨، " بە ڕێکەوت بۆم دەرکەوت کە خۆم یەکێکم لە قوربانیانی زەوتکردنی میرات، وەک چۆن باوکم لە مانگی نیسانی ساڵی ٢٠١٤دا زۆربەی موڵک و ماڵی خۆی بۆ براکانم گواستەوەتەوە، بەڵام ڕووبەڕووی باوکم و براکانم بوومەوە، بەردەوام بووم لە شەڕی یاسایی خۆم بۆ بەدەستهێنانی مافەکانم.

 

ئولوم ئۆدە نەک هەر لە مافی میرات وەرگرتنی بێبەش نەبوو، بەڵکو تەنانەت ئەوەی کە لە گەنجیدا لە کێڵگەکەدا کاردەکات و لەگەڵ خوشکەکانیدا ئاژەڵداری و کۆکردنەوەی پەلەوەری دەکرد، ئاماژەی بەوەکرد کە ئەو و خوشکەکانی هەوڵیانداوە خوێندنەکەیان تەواو بکەن لە فەرەنسا دکتۆرا بەدەست بهێنێت، بەڵام باوکی پاسپۆرتەکەی شاردوەتەوە لە ترسی ئەو خەرجییانەی کە خوێندنەکەی پێویستی پێی دەبێت، بەڵام هەوڵی داوە خوێندنەکەی تەواو بکات و دکتۆرا بەدەستبهێنێت بە کارکردن بۆ دەستەبەرکردنی پێداویستییەکانی.

 

سەبارەت بەو کەمپەینانەی کە کۆمەڵەی "مافی من بۆ میرات" کە لە ٢٣ی ئازاری ٢٠٢١ لەلایەن ئولوم ئۆدە دامەزراوە، وتی "لە ئێستادا دەستمان کردووە بە ئامادەکاری بۆ جێبەجێکردنی پڕۆژەیەکی نوێ لە ژێر ناوی "مافی من بۆ میرات"، هاوکاری لەگەڵ کۆمەڵەکانی تر لە دوو بەشەوە کە یەکێکیان بەهێزکردنی ژنانە بۆ کار و بەرهەمهێنان و سەربەخۆیی، ئەوی تریان پەروەردەکردنی ژنانە سەبارەت بە مافەکانیان لە وەرگرتنی میرات کە لە ڕێگەی هەڵمەتێکی میدیایی و هەڵمەتی داکۆکیکردن کە لە بێکاران بەڕێوەدەچێت.

 

 جگە لە پشتگیری یاسایی بۆ بەدەستهێنانی مافەکان و تیشک خستنە سەر ڕۆڵی کۆمەڵگەی پیاوسالاری لە وەستانەوە دژی گۆڕانکاری ئەرێنی، دادپەروەری لەگەڵ ژنان، ڕێزگرتن لە مافەکانیان و کەمکردنەوەی جیاکاری.

 

جگە لە هەڵمەتەکانی هۆشیاری، کۆمەڵەی "مافی من بۆ میرات" کار لەسەر کردنەوەی خول بۆ ژنان دەکات، چەندین خول بە هاوکاری و سپۆنسەری زۆرێک لە کۆمەڵەکان پەیڕەو دەکرێت، لەوانە خولێکی ڕاهێنان بۆ پیشەسازی شیرینی کە لەلایەن کۆمەڵەکەوە بە هاوبەشی لەگەڵ تۆڕی لاوانی لوبنان بەڕێوەدەچێت لە چوارچێوەی پڕۆژەی "داگیرکاری کارەکەم" کە ئامانجی بەهێزکردنی ژنانە لە ڕووی ئابوورییەوە.

 

 

لای خۆیەوە نەریمان میقداد ، ئەندامی دامەزرێنەری کۆمەڵەی "مافی من بۆ میرات"، سەبارەت بە ڕۆڵی خۆی لە کۆمەڵەکەدا وتی، "دوای ئەوەی لە سۆشیال میدیادا بەدواداچوون بۆ چالاکوان ئولوم ئۆدە و گەشتەکەی بۆ بەرگریکردن لە مافی ژنان کرا، پەیوەندیم بەم کۆمەڵەیە کرد بۆ میرات و دژی جیاکاری ڕەگەزی کە ئەویش لەلایەن خێزانەکەیەوە جیاکاری لە نێوان ڕەگەزەکاندا کراوە.

 

ئاماژەی بەوەشکرد، لەو شتانەدا دۆزیەوە کە ئولوم ئۆدە نووسیویەتی، ئەوەی هەستم پێدەکرد و سەیری دەکرد، وەک چۆن پێشتر ژنێکم دەبینی کە لە ماڵەکانیاندا ستەمیان لێدەکرا و ئازاریان دەدرا، کە تێیدا پیاوان زاڵن بەسەر هەموو شتێکدا، هەروەها کاتێک پێشنیاری دامەزراندنی کۆمەڵە "مافی من بۆ میرات" کرد، من ڕاستەوخۆ بڕیاری بەشداریکردنمدا کە تەنها حەوت ژن هەبوون، کە هێڵی سەرەکییان دانا.

 

ڕوونیشیکردەوە، ئەوە ئازارم دەدات کاتێک ژنێک دەبینم دەستدرێژی کراوەتەسەر و ئەوەی ناچارە بگەڕێتەوە بۆ لای هاوسەرە دەستدرێژیکارەکەی، هەروەها کۆمەڵگە ئەمە بە ئاسایی دەزانێت، ئاماژەشی بەوەدا کە "لە گەنجییەوە ویستم بەرگری لە ژنان و کێشەکانیان بکەم، و هەمیشە هەوڵ دەدەم دڵنیابین لەوەی ئێمەی ژنان مافە ڕەواکانمان بەدەست بهێنین."

 

 

بەشداربووی کۆمەڵەکە، ڕیما حەسەن ئۆدە، خۆشحاڵی خۆی بە کاریگەرییەکانی کۆمەڵەکە و پڕۆژەکانەوە لەسەر ژیانی خۆی و ژیانی زۆرێک لە ژنان دەربڕی، لە پشتیوانی بنەماڵەکەمەوە، و لە ڕێگەی کارەکانمەوە، بەشداریم کرد لە دەستەبەرکردنی ماڵ پێداویستییەکان و منداڵان و کرێی قوتابخانە.

 

ئاماژەی بەوەشکرد، "دوای قەیرانی ئابووری، بەهۆی زۆری کرێ، ناچاربووم منداڵەکانم لە قوتابخانە تایبەتەکانەوە بگوازمەوە، بەتایبەتی کە منداڵەکانم حاڵەتێکی تەندروستی تایبەتیان هەیە و پێویستیان بە چارەسەر هەیە، بەڵام دوای کارەکەم توانیم هەموو  ئەو خەرجییانە دابین بکەم."