RAJA KHAYRAT

Mexrib – Di beşa pêşbirkê ya 22’emîn festîvala fîlman a navneteweyî ku di 28’ê Mijdarê de li bajarê Marakeşê ya Mexribê hate destpêkirin de, 13 fîlmên metraj dirêj ên di nava 80 fîlmên ji 31 welatan hate hilbijartin, ji bo Sterka Zêrîn pêşbaziyê dikin. Ev fîlman li seranserê cîhanê cara yekem an jî duyemîn an jî li herêma Rojhilata Navîn û Bakurê Afrîkayê cara yekem tên nîşandan. Di pêşbirkê de, fîlmên derhênerên navdar ên bi wêrekî û hewesa xwe ya ji bo hunerê derdikevin pêş, cih digre.

Di juriya fermî ya pêşbirka ku ji aliyê derhênerê Koreya Başûr Bong Joon-ho ve tê rêvebirin de, kesayetiyên jin ên navdar ên mîna lîstikvana Amerîkî Jenna Ortega, derhênera Kanadayî Celine Song, lîstikvana Brîtanî-Arjantînî Anya Taylor-Joy û derhênera Fransî Julia Ducournau jî cih digre.

Pêşbirka fermî, balê dikişîne ser jêhatîyên nû yên di sînemaya cîhanê de.13 fîlmên metraj dirêj ên gelek ji wan fîlmên ewil an jî duyemîn a derhênera xwe ye, ji bo Stêrka Zêrîn a ji aliyê juriyê ve tê dayîn pêşbaziyê dikin.

Ji bo du hunermendên jin rêzgirtin hate girtin

Festîvala îsal, rêzê ji du hunermendên jin ên girîng re digre. Ya ewil lîstikvana Mexribî Fatima Harandi "Rawiya" ya bi rastbûn û jêhatîbûna wê ya bêhempa di medyayê û sînemayê de, di hefizeya nifşan de şop hiştiye ye. Ya duyemîn jî lîstikvan û derhênera Amerîkî Jodie ya bi fîlmên xwe yên "The Accused" û "The Silence of the Lambs" 2 Oscar wergirt e. Her wiha derhêner û lîstikvana Lubnanî Nadine Labakî ya bi fîlma xwe ya "Capernaum( Kefernahum)" li Cannesê Xelata Juriyê wergirt jî, di nav mêvanên festîvalê de ye.

Festîval, dê heta 6’ê Kanûnê bi bernameyek dewlemend û piralî bidome. Di bernameyê de du bilêvkirinên dualî jî heye. Di bilêvkirina ewil de lîstikvana fransî-belçîkî Virginie Efira ya bi performansa xwe ya di fîlma "Bîranînên Parîsê" de Xelata César wergirt û lîstikvana îtalî-fransî Chiara Mastroiannî ya li Cannesê di fîlma "Şevek Efsûnî" de xelata Lîstikvana Herî Baş wergirt, tên cem hev. Ev bilêvkirin, pîşeyê lîstikvaniyê, azadiya ku di rolan de pêşkêş dike û sînemaye têkiliya me bi cîhanê re çawa ronî dike, digre dest.

Bilêvkirina duyemîn jî, bi sernavê "Nîşandana Hafiza: Di Navbera Dîroka Kolektîf û Tecrûbeya Kesane de" ye. Asmae El Moudir a li Cannesê di beşa "Awirek Diyarker” de xelata Derhênera Herî Baş û derhênera fîlma "Derewa Spî” ya li Marakeşê Xelata Stêrka Zêrîn wergirt û derhênera belgefîlma "Çavdêran" Karima Saidi, tên cem hev. Ev bilêvkirin, lêkolîn dike ka sînemaya belgefîlmî ya Mexribê wê çawa bi rêya vegotinên kesane bîranîn, sirgûn û veguherînên civakî bê destgirtin.